మన దేహములో పది ఇంద్రియములు, ఐదు ప్రాణములు, మనస్సు, బుద్ధి, అహంకారము= 18 భగవద్గీతలో 700 శ్లోకాలు ఉన్నాయి. వాటిలో శ్రీకృష్ణుడు చెప్పినవి 574, అర్జునుడు చెప్పినవి 84 సంజయుడు చెప్పినవి 41, ధృతరాష్ట్రుడు చెప్పినది 1 మొత్తము 700. కొన్ని ప్రతులలో 701 ఉన్నాయి. ...  గీత సాక్షాత్తు పరమాత్మ అవతారమగు శ్రీకృష్ణుడు అర్జునునకు ఉపదేశించన యోగశాస్త్రము, ఉపనిషత్ సారము. శ్రీకృష్ణుని వంటి గురువు, అర్జునుని వంటి శిష్యుడు ఈ అనంత విశ్వంలో మరొకరు లేరు అనడంలో అతిశయోక్తి లేదు. వీరి సంభాషణను వ్యాసమునీద్రులు అక్షరబద్దం చేసి మనకు అందించారు .. రామాయణం సర్గలలోని శ్లోకాల సంఖ్యా వివరాలు, బాల కాండ (77)సర్గలు (2256)శ్లోకాలు, అయోధ్య కాండ (119)సర్గలు (4415)శ్లోకాలు, అరణ్య కాండ (75)సర్గలు (2732)శ్లోకాలు, కిష్కింధ కాండ (67)సర్గలు (2620)శ్లోకాలు, సుందర కాండ (68)సర్గలు (3006)శ్లోకాలు, యుద్ధ కాండ (131)సర్గలు (5990)శ్లోకాలు, ఉత్తర కాండ (110)సర్గలు (3234)శ్లోకాలు, ఏడు కాండలు (647)సర్గలు (24,253)శ్లోకాలు, అంటే ఒక్కో శ్లోకానికి 32 అక్షరాలు ఉంటాయి... రామాయణము అత్యంత పురాతన మైనది క్రీ.పూ. కు చెందినది అని చరిత్రకారుల అభిప్రాయము....

Ayodhya Kanda Sarga 41 – ayōdhyākāṇḍa ēkacatvāriṁśaḥ sargaḥ

|| nagarasaṅkṣōbhaḥ ||

tasmiṁstu puruṣavyāghrē viniryātē kr̥tāñjalau |
ārtaśabdō:’tha sañjajñē strīṇāmantaḥpurē mahān || 1 ||

anāthasya janasyāsya durbalasya tapasvinaḥ |
yō gatiḥ śaraṇaṁ cāsītsa nāthaḥ kvanu gacchati || 2 ||

na krudhyatyabhiśaptō:’pi krōdhanīyāni varjayan |
kruddhānprasādayansarvānsamaduḥkhaḥ kvacidgataḥ || 3 ||

kausalyāyāṁ mahātējāḥ yathā mātari vartatē |
tathā yō vartatē:’smāsu mahātmā kva nu gacchati || 4 ||

kaikēyyā kliśyamānēna rājñā sañcōditō vanam |
paritrātā janasyāsya jagataḥ kva nu gacchati || 5 ||

ahō niścētanō rājā jīvalōkasya sampriyam |
dharmyaṁ satyavrataṁ rāmaṁ vanavāsē pravatsyati || 6 ||

iti sarvā mahiṣyastāḥ vivatsā iva dhēnavaḥ |
ruruduścaiva duḥkhārtāḥ sasvaraṁ ca vicukruśuḥ || 7 ||

sa tamantaḥpurē ghōramārtaśabdaṁ mahīpatiḥ |
putraśōkābhisantaptaḥ śrutvā cāsītsuduḥkhitaḥ || 8 ||

nāgnihōtrāṇyahūyanta nāpacangr̥hamēdhinaḥ |
akurvanna prajāḥ kāryaṁ sūryaścāntaradhīyata || 9 ||

vyasr̥jankabalānnāgāḥ gāvō vatsānnapāyayan |
putraṁ prathamajaṁ labdhvā jananī nābhyanandata || 10 ||

triśaṅkurlōhitāṅgaśca br̥haspatibudhāvapi |
dāruṇāḥ sōmamabhyētya grahāḥ sarvē vyavasthitāḥ || 11 ||

nakṣatrāṇi gatārcīṁṣi grahāśca gatatējasaḥ |
viśākhāstu sadhūmāśca nabhasi pracakāśirē || 12 ||

kālikānilavēgēna mahōdadhirivōtthitaḥ |
rāmē vanaṁ pravrajitē nagaraṁ pracacāla tat || 13 ||

diśaḥ paryākulāḥ sarvāstimirēṇēva saṁvr̥tāḥ |
na grahō nāpi nakṣatraṁ pracakāśē na kiñcana || 14 ||

akasmānnāgaraḥ sarvō janō dainyamupāgamat |
āhārē vā vihārē vā na kaścidakarōnmanaḥ || 15 ||

śōkaparyāyasantaptaḥ satataṁ dīrghamucchvasan |
ayōdhyāyāṁ janaḥ sarvaḥ śuśōca jagatīpatim || 16 ||

bāṣpaparyākulamukhō rājamārgagatō janaḥ |
na hr̥ṣṭaḥ lakṣyatē kaścitsarvaḥ śōkaparāyaṇaḥ || 17 ||

na vāti pavanaḥ śītō na śaśī saumyadarśanaḥ |
na sūryastapatē lōkaṁ sarvaṁ paryākulaṁ jagat || 18 ||

anarthinaḥ sutāḥ strīṇāṁ bhartārō bhrātarastathā |
sarvē sarvaṁ parityajya rāmamēvānvacintayan || 19 ||

yē tu rāmasya suhr̥daḥ sarvē tē mūḍhacētasaḥ |
śōkabhārēṇa cākrāntāḥ śayanaṁ na juhustadā || 20 ||

tatastvayōdhyā rahitā mahātmanā
purandarēṇēva mahī saparvatā |
cacāla ghōraṁ bhayaśōkapīḍitā
sanāgayōdhāśvagaṇā nanāda ca || 21 ||

ityārṣē śrīmadrāmāyaṇē vālmīkiyē ādikāvyē ayōdhyākāṇḍē ēkacatvāriṁśaḥ sargaḥ || 41 ||

www.sanatanadharm.com - play store app (sanatana dharm)  

"Bharathiya Sanatana Dharmam" and Sanatana Dharm & Dharmo rakshati Rakshitha logo are our trademarks. Unauthorised use of "Sanatana Dharmam & Dharmo rakshati Rakshitha" and the logo is not allowed. Copyright © sanatanadharm.com All Rights Reserved . Made in India.